Tuesday , 17 October 2017
Headlines
ഒരൊറ്റ ക്ലിക്കില്‍ ബില്ലടക്കാന്‍ ടാപ്പിക്കോയുമായി  സഹൃദയയിലെ വിദ്യാര്‍ത്ഥികള്‍

ഒരൊറ്റ ക്ലിക്കില്‍ ബില്ലടക്കാന്‍ ടാപ്പിക്കോയുമായി സഹൃദയയിലെ വിദ്യാര്‍ത്ഥികള്‍

കൊടകര : ഒരൊറ്റ ക്ലിക്കില്‍ ബില്ലടക്കാന്‍ കഴിയുന്ന മൊബൈല്‍ അപ്ലിക്കേഷനെ പറ്റി ചിന്തിച്ചുനോക്കൂ. ടാപ്പിക്കോ മൊബൈല്‍ അപ്ലിക്കേഷനുമായി സഹൃദയയിലെ വിദ്യാര്‍ത്ഥികള്‍ തയ്യാറാകുന്നു. കേരള സര്‍ക്കാരിന്റെ സ്റ്റാര്‍ട്ടപ്പ് വില്ലേജും സ്റ്റാര്‍ട്ടപ്പ് വിഷ്യനും ചേര്‍ന്ന് കേരളത്തിലെ എഞ്ചിനീയറിംഗ് വിദ്യാര്‍ത്ഥികള്‍ക്കായി രൂപികരിച്ച ഫിന്‍-ടെക് സ്റ്റുഡിയോ (സാമ്പത്തിക സാങ്കേതിക വിദ്യ) എന്ന പദ്ധതിയിലേക്ക് ടാപ്പിക്കോ തിരഞ്ഞെടുത്തു. കസ്റ്റമ്മര്‍ സ്റ്റോറില്‍ വെച്ചിട്ടുള്ള ക്യൂആര്‍ കോഡ് സ്‌കാന്‍ ചെയ്ത് ആപ്പില്‍ നിന്നും ഇഷ്ടമുള്ള വസ്തുക്കള്‍ ഓഡര്‍ ചെയ്ത് പെയ്‌മെന്റ് ബട്ടനില്‍ ക്ലിക്ക്‌ചെയ്താല്‍ മാത്രം മതി.

ഒരൊറ്റ ക്ലിക്കില്‍ വാങ്ങലും പണം നല്‍കലും എല്ലാം കഴിയും. നീണ്ട ക്യൂവില്‍ നില്‍ക്കേണ്ട, ക്രെഡിറ്റ് കാര്‍ഡ്, എ.ടി.എം. കാര്‍ഡ് കൊണ്ടുനടക്കേണ്ട തുടങ്ങി നിരവധി ഗുണങ്ങള്‍ ടാപ്പിക്കോക്കുണ്ട്. നിങ്ങളുടെ പ്രിയ സുഹൃത്തുക്കള്‍ക്ക് സല്‍ക്കാരം നല്‍കാനും ഇതു വഴി സാധിക്കും. ഫുഡ്‌കോര്‍ട്ടുകളും ഹോട്ടലുകളുമാണ് ആദ്യഘട്ടത്തില്‍ ആപ്പിലുള്ളത്. സിനിമാ ടിക്കറ്റ്, റെയില്‍വേ ടിക്കറ്റ്, തുടങ്ങി നിരവധി സേവനങ്ങള്‍ വികസിപ്പിച്ചുകൊണ്ടിരിക്കുകയാണ്. ടാപ്-ഇറ്റ്-ഗോ മൊബൈല്‍ ടാപ്പ് ചെയ്യുന്നത് വഴിയാണ് ഈ ആപ്പിന്റെ സേവനം.

അതാണ് ടാപ്പിക്കോ എന്ന പേര് ആപ്പിന് നല്‍കാന്‍ കാരണമെന്ന് വിദ്യാര്‍ത്ഥികള്‍ പറയുന്നു. സഹൃദയയിലെ മൂന്നാം വര്‍ഷ വിദ്യാര്‍ത്ഥികളായ ജെസെ വില്‍സണ്‍ (ഇലക്‌ട്രോണിക്‌സ് ആന്‍ഡ് കമ്മ്യുണിക്കേഷന്‍), അനിക് രാജ്, എം. ജി. നീരജ് (കമ്പ്യുട്ടര്‍ സയന്‍സ്) സിബിന്‍ സണ്ണി (ഇലക്ട്രിക്കല്‍) എന്നിവരാണ് ടാപ്പിക്കോക്ക് പുറകില്‍. രണ്ട് ലക്ഷം വിലമതിക്കുന്ന വിവിധ സാങ്കേതിക വിദ്യ സഹായോപകരണങ്ങള്‍ അടങ്ങിയ സ്റ്റാര്‍ട്ടപ്പ് ബോക്‌സ് മുഖ്യമന്ത്രി ഉമ്മന്‍ചാണ്ടിയില്‍ നിന്ന് ഇവര്‍ക്ക് ലഭിച്ചു.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>