Wednesday , 13 December 2017
Headlines
നന്മ ചെയ്യുന്നതിന്റെ പേരില്‍ പീഡിപ്പിക്കപ്പെടുന്നവരോടൊപ്പം  ചേരണം സമൂഹം: മാര്‍ പോളി കണ്ണൂക്കാടന്‍

നന്മ ചെയ്യുന്നതിന്റെ പേരില്‍ പീഡിപ്പിക്കപ്പെടുന്നവരോടൊപ്പം  ചേരണം സമൂഹം: മാര്‍ പോളി കണ്ണൂക്കാടന്‍

കൊടകര : മറ്റുള്ളവര്‍ക്കുവേണ്ടി നന്മ ചെയ്തു എന്നതിന്റെ പേരില്‍ പീഡിപ്പിക്കപ്പെടുകയും ക്രൂശിക്കപ്പെടുകയും ചെയ്യുന്നവരുടെ മോചനത്തിന് സമൂഹം ഒറ്റക്കെട്ടായി പ്രവര്‍ത്തിക്കണമെന്ന് ഇരിങ്ങാലക്കുട രൂപതാ അധ്യക്ഷന്‍ മാര്‍ പോളി കണ്ണൂക്കാടന്‍. യെമനില്‍ നിന്നും ഭീകരര്‍ തട്ടിക്കൊണ്ടുപോയ ഫാ. ടോം ഉഴുന്നാലിലിന്റെ മോചനം ഉടന്‍ സാധ്യമാക്കണമെന്നാവശ്യപ്പെട്ട് ഇരിങ്ങാലക്കുട രൂപത എകെസിസി സംഘടിപ്പിച്ച ധര്‍ണ്ണയിലും പ്രാര്‍ത്ഥനായജ്ഞത്തിലും മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം. ഒരു വര്‍ഷത്തോളമായി ഭീകരര്‍ തടങ്കലില്‍ പാര്‍പ്പിച്ചിരിക്കുന്ന ഫാ. ടോം ഉഴുന്നാലിലിന്റെ മോചനം യാഥാര്‍ത്ഥ്യമാക്കാന്‍ കേന്ദ്രഗവണ്‍മെന്റ് സാധ്യമായതെല്ലാം ചെയ്യണമെന്ന് യോഗത്തില്‍ സംസാരിച്ചവര്‍ ആവശ്യപ്പെട്ടു.
പ്രാര്‍ത്ഥനയുടെയും കൂട്ടായ പരിശ്രമത്തിന്റെയും ഫലമായി എത്രയും പെട്ടെന്ന് കത്തോലിക്കാ സഭയിലെ ഈ പുരോഹിതന് ബന്ധികളുടെ കൈയില്‍ നിന്നും മോചനം ഉണ്ടാകട്ടേയെന്ന് പ്രാര്‍ത്ഥനായജ്ഞത്തില്‍ പങ്കെടുത്ത യോഗാംഗങ്ങള്‍ ഒറ്റക്കെട്ടായി പ്രാര്‍ത്ഥിച്ചു. എകെസിസി രൂപതാ ഡയറക്ടര്‍ റവ. ഫാ. ആന്റു ആലപ്പാടന്‍ ആമുഖ പ്രസംഗം നടത്തി. കൊടകര പഞ്ചായത്ത് പ്രസിഡന്റ് പി.ആര്‍. പ്രസാദന്‍ ഉദ്ഘാടനം നിര്‍വഹിച്ച സമ്മേളനത്തില്‍ കൊടകര ടൗണ്‍ ജുമാ അത്ത് ഇമാം അബ്ദുള്‍ അസീസ് സഖാഫി, എകെസിസി ദേശീയ ജനറല്‍ സെക്രട്ടറി അഡ്വ. ബിജു പറയനിലം എന്നിവര്‍ മുഖ്യപ്രഭാഷണം നടത്തി. ഇരിങ്ങാലക്കുട രൂപത വികാരി ജനറല്‍ മോണ്‍. ജോബി പൊഴോലിപ്പറമ്പില്‍, കൊടകര ഫൊറോന പള്ളി വികാരി ഫാ. ഡോ. അഡ്വ. ജോണ്‍സണ്‍ ജി. ആലപ്പാട്ട്, പറപ്പൂക്കര ഫൊറോന പള്ളി വികാരി ഫാ. ജോണ്‍ കവലക്കാട്ട്, മാതൃവേദി രൂപതാ പ്രസിഡന്റ് ആലീസ് തോമസ്, കൊടകര ഫൊറോന പള്ളി കൈക്കാരന്‍ ഡെന്നി പൊന്നേക്കണ്ടത്തില്‍, പാസ്റ്ററല്‍ കൗണ്‍സില്‍ മെമ്പര്‍ വിനയ് ഏറ്റുമാനൂക്കാരന്‍, എകെസിസി രൂപതാ ജനറല്‍ സെക്രട്ടറി ജോസഫ് അക്കരക്കാരന്‍ എന്നിവര്‍ പ്രസംഗിച്ചു.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>