Tuesday , 17 October 2017
Headlines
കിഡ്‌നി രോഗികള്‍ക്ക് ആശ്വാസം പകര്‍ന്ന് പ്രത്യാശസംഗമം

കിഡ്‌നി രോഗികള്‍ക്ക് ആശ്വാസം പകര്‍ന്ന് പ്രത്യാശസംഗമം

കൊടകര: കിഡ്‌നി രോഗികള്‍ക്ക് ആശ്വാസം പകര്‍ന്ന് കൊടകരയിലെ അഗതിമന്ദിരമായ ഇമ്മാനുവേല്‍ കൃപസദനില്‍ ”ദിഹോപ്പ്” എന്ന ഫെയ്‌സ് ബുക്ക് ചാരിറ്റി സംഘടന ”കിഡ്‌നി രോഗി പ്രത്യാശ സംഗമം” നടത്തി. അധ്യക്ഷതവഹിച്ച പ്രസിഡന്റ് ബെര്‍ളി സെബാസ്റ്റ്യന്റെ കിഡ്‌നി മാറ്റി വച്ചിട്ട് ഒരു വര്‍ഷം തികയുന്ന ദിനത്തിലാണ് സംഗമം നടത്തിയത്. ചടങ്ങില്‍ കിഡ്‌നി ദാനം ചെയ്തവരെയും മാറ്റിവച്ചവരെയും, പ്രത്യേകം സമ്മാനങ്ങള്‍ നല്‍കി ആനുമോദിച്ചു. ഓള്‍ ഇന്ത്യ കിഡ്‌നി ഫെഡറേഷന്‍ ഡയറക്ടര്‍ അഡ്വ. എ.ഡി. ബെന്നി ഉദ്ഘാടനം ചെയ്തു. സംഘടനയുടെ രക്ഷാധികാരി ഫാ. അഡ്വ. ഡോ. ജോണ്‍സന്‍ ജി. ആലപ്പാട്ട് മുഖ്യസന്ദേശം നല്‍കി.

സ്വന്തം കിഡ്‌നി ദാനം നല്‍കിയ ഇരിങ്ങാലക്കുട രൂപത ല്യൂമന്‍ യൂത്ത് സെന്റര്‍ ഡയറക്ടര്‍ ഡോ. വര്‍ഗീസ് പെരേപ്പാടന്‍ തന്റെ അനുഭവങ്ങള്‍ പങ്കുവച്ചു. ‘ദി ഹോപ്പ്’ സംഘടനയുടെ സെക്രട്ടറി സന്തോഷ് പല്ലിശ്ശേരി, ട്രഷറര്‍ ബിജു തൃശൂര്‍, ഇമ്മാനുവല്‍ കൃപ ഡയറക്ടര്‍ സിസ്റ്റര്‍ ജാന്‍സി, സ്ഥാപക ഡയറക്ടര്‍ പൗലോസ്, ഓള്‍ കേരള ടോള്‍മെന്‍ സന്മനസ്സ് ഗ്രൂപ്പ് പ്രസിഡന്റ് ഷിബു തുമ്പൂര്‍, സാമൂഹ്യപ്രവര്‍ത്തകരായ ഷാജി പി.പി, ഷാജു പടിഞ്ഞാക്കര എന്നിവര്‍ സംസാരിച്ചു. ഇരിങ്ങാലക്കുട രൂപത കേരളസഭാ ചീഫ് എഡിറ്റര്‍ ഫാ. വില്‍സന്‍ ഈരത്തറ കിഡ്‌നി മാറ്റിവച്ചവരും, കിഡ്‌നി ദാനം ചെയ്തവരുമായ മുഴുവന്‍ പേര്‍ക്കും പ്രത്യേകം സമ്മാനങ്ങള്‍ നല്‍കി അനുമോദിച്ചു. ഇമ്മാനുവേല്‍ കൃപയിലെ അന്തേവാസികളുടെ വിവിധ ഭാഷ കലാപരിപാടികള്‍ ഉണ്ടായി.

രോഗികള്‍ക്ക് ആശ്രയവും, അത്താണിയുമായി നിലകൊള്ളുന്ന ‘ദി ഹോപ്പ്’ എന്ന ഫേയ്‌സ്ബുക്ക് ചാരിറ്റി സംഘടനയുടെ പ്രസിഡന്റ് ബെര്‍ളി സെബാസ്റ്റ്യന്റെ കിഡ്‌നി മാറ്റി വയ്ക്കപ്പെട്ടിട്ട് ഒരു വര്‍ഷം തികയുന്ന ദിനമായ മാര്‍ച്ച് 21 ന് അദ്ദേഹത്തെ പ്രത്യേകം മെമന്റോ നല്‍കി ആദരിച്ചു. കിഡ്‌നി രോഗികളുടെ വ്യത്യസ്തങ്ങളായ അനുഭവങ്ങള്‍ പങ്കുവച്ചത് അസുഖാവസ്ഥ മൂലം നിരാശയില്‍ കഴിയുന്ന ഒത്തിരിപേര്‍ക്ക് ആശ്വാസവും പുതുമയുള്ള ഒരു അനുഭവവും ആയിരുന്നു. എല്ലാവരും ഒന്നിച്ചുള്ള സ്‌നേഹവിരുന്നോടെ സംഗമം സമാപിച്ചു.

കിഡ്‌നി സംബന്ധമായ അസുഖത്താല്‍ സഹായം തേടുന്ന നിര്‍ധന കുടുംബങ്ങളും രോഗികളെ സഹായിക്കാന്‍ സന്‍മനസുള്ളവരും സംഘടനയുടെ പ്രവര്‍ത്തനങ്ങള്‍ അറിയാന്‍ താല്‍പര്യമുള്ളവരും ദി ഹോപ്പ് പ്രസിഡന്റ് ബെര്‍ളി സെബാസ്റ്റ്യനുബായി ബന്ധപ്പെടാവുന്നതാണ്. ഫോണ്‍ : 9061483392

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>