Thursday , 19 October 2017
Headlines
വീട്ടമ്മമാര്‍ സൂക്ഷിക്കുക… വിദേശത്തു നിന്നുള്ള വ്യാജ ഫോണ്‍കോളുകള്‍ വ്യാപകം

വീട്ടമ്മമാര്‍ സൂക്ഷിക്കുക… വിദേശത്തു നിന്നുള്ള വ്യാജ ഫോണ്‍കോളുകള്‍ വ്യാപകം

കൊടകര: പെണ്‍കുട്ടികളുള്ള നിരവധി വീടുകളിലേക്ക് വിദേശത്തു നിന്നുള്ള വ്യാജ ഫോണ്‍കോളുകള്‍ വ്യാപകമെന്ന് പരാതി. വിദേശത്തുപഠിക്കുന്ന വൈദികരുടെ പേരുകളിലാണ് പഠനാവശ്യത്തിനെന്ന പേരില്‍ ഫോണ്‍കോളുകള്‍ അധികവും എത്തുന്നത്. പെണ്‍കുട്ടികളുള്ള വീടുകളെ കേന്ദ്രീകരിച്ച് വെത്യസ്ത പേരുകളിലാണ് വിദേശത്തു നിന്നും തെറ്റിദ്ധരിപ്പിക്കപ്പെടുന്ന വ്യാജ ഫോണ്‍കോളുകള്‍ വ്യാപകമാകുന്നത്. ഇടവകയിലെ സന്യസ്തരുടെ വിലാസവും നമ്പറുകളും കൈവശപ്പെടുത്തി പിന്നീട് ഇടവകയിലെ പ്രധാനപ്പെട്ട വ്യക്തികളില്‍ നിന്നും വൈദികരാണെന്ന് സ്വയം പരിചയപ്പെടുത്തി മറ്റുള്ളവരുടെ ഫോണ്‍ നമ്പറുകള്‍ കൈവശപ്പെടുത്തും. തെറ്റിധരിപ്പിച്ച് വാങ്ങുന്ന ഫോണ്‍ നമ്പറില്‍ ബന്ധപ്പെട്ട് അടുത്ത ബന്ധുക്കളുടെയും പരിചയക്കാരുടേയും വിലാസവും നമ്പറുകളും കൈവശപ്പെടുത്തും. കിട്ടാവുന്ന അഡ്രസുകളും ഫോണ്‍നമ്പറുകളും കൈവശപ്പെടുത്തിക്കഴിഞ്ഞാല്‍ സൗഹൃദം നടിച്ച് ഫോണിലൂടെ അശ്ലീല സംഭാഷണം നടത്തുകയാണ് ഈ വിരുദ്ധന്മാര്‍. വിദേശത്ത് വൈദിക പരിശീലനത്തിലാണെന്നും സ്ത്രീകളുടെ പ്രശ്‌നങ്ങളെ കുറിച്ച് പഠിക്കുന്നതിനുവേണ്ടി വിവരശേഖരണത്തിനാണ് വിളിക്കുന്നതെന്നും സഹകരിക്കണമെന്നും എല്ലാ കാര്യങ്ങളും തുറന്നു പറയണമെന്നുള്ള ആവശ്യങ്ങളും ഇവന്‍മാര്‍ മുന്നോട്ടു വക്കുന്നുണ്ട്.
ഫാമിലി കൗണ്‍സിലിംഗ് കോഴ്‌സ് പഠിക്കുകയാണെന്നും 3 മാസംവരെ തുടരുമെന്നും ഡാറ്റാ ശേഖരിക്കാനാണെന്നും പറഞ്ഞും വിളികള്‍ വരുന്നുണ്ട്. പരിചയക്കാരനും മാന്യമായ മലയാളത്തിലുള്ള സംസാരവും സ്ത്രീകള്‍ സുഹൃത്തുക്കളുടേയും ബന്ധുക്കളുടേയും ഉള്‍പ്പടെ ഫോണ്‍നമ്പര്‍ കൈമാറുകയും ചെയ്തിട്ടുണ്ട്. സൗഹൃദം പിന്നീട് ലൈംഗിക ചുവയുള്ള സംസാരത്തിലേക്ക് കടക്കുകയും പിന്നീട് അസഭ്യസംസാരത്തിലേക്കും കടക്കുന്നുണ്ടെന്ന് കുടുംബാംഗം പറഞ്ഞു. രാവിലെ ഏഴരക്കും 10നും ഇടയിലും വൈകീട്ട് നാലരക്കും രാത്രി 10 മണിവരെയും പലസമയങ്ങളിലായാണ് ഇവര്‍ വിളിക്കുന്നത്. വിളിയില്‍ സംശയമുണ്ടെന്നു മനസിലാക്കിയാല്‍ കോളുകള്‍ നിലക്കും. നെറ്റുകോളുകള്‍ പലപ്പോഴും വിവിധനമ്പറില്‍ നിന്നാണ് വന്നിരുന്നത്. കോള്‍ വന്ന നമ്പറിലേക്ക് തിരിച്ചുവിളിച്ചാല്‍ തമിഴിലും ഇംഗ്ലീഷിലുമായി പരിധിക്കുപുറത്തെന്ന മറുപടിയാണ് ലഭിക്കുന്നത്.
കെണിയില്‍ വീണവര്‍ നാണക്കേടും ഭയവും മൂലം മറ്റുള്ളവരോട് പറയാതെ ഇക്കാര്യം മറച്ചുവെച്ചവരുമുണ്ട്. അടുത്ത ദിവസങ്ങളിലും ഇത്തരം വ്യക്തികള്‍ ഫോണിലൂടെ ബന്ധപ്പെട്ടിരുന്നതായി വീട്ടുകാര്‍ പറഞ്ഞു. ഇതിന്റെ പുറകിലെ ചതി തിരിച്ചറിയും മുമ്പ് വ്യക്തിപരമായ വിവരങ്ങള്‍ കൈമാറിയ പല കുട്ടികളും ഇപ്പോള്‍ ധര്‍മസങ്കടത്തിലാണ്. ഒരുവര്‍ഷം മുമ്പ് ഇതുപോലുള്ള ശല്യം വ്യാപകമായതിനെ തുടര്‍ന്ന് പത്രങ്ങളിലും ചാനലുകളിലും വാര്‍ത്ത വന്നതിനെതുടര്‍ന്ന് ഈ പ്രവണത കുറഞ്ഞിരുന്നുവെങ്കിലും ഇപ്പോള്‍ വീണ്ടും വര്‍ധിച്ചു വരികയാണ്.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>