Thursday , 19 October 2017
Headlines
ഇ വേസ്റ്റ് മാലിന്യമല്ല; ഇനി കെട്ടിട നിര്‍മാണത്തിന്; പുതിയ ആശയമായി സഹൃദയയിലെ കുട്ടികള്‍

ഇ വേസ്റ്റ് മാലിന്യമല്ല; ഇനി കെട്ടിട നിര്‍മാണത്തിന്; പുതിയ ആശയമായി സഹൃദയയിലെ കുട്ടികള്‍

കൊടകര: ഇന്ന് ലോകം അഭിമുഖീകരിക്കുന്ന വലിയ പ്രശ്‌നങ്ങളിലൊന്നാണ് ഇലക്ട്രോണിക് വേസ്റ്റ്. ടെക്‌നോളജി അനുദിനം വികസിക്കുന്ന ഇക്കാലത്ത് ഇലക്ട്രോണിക് ഉപകരണങ്ങളുടെ രൂപവും ഭാവവും മാറിക്കൊണ്ടിരിക്കുകയാണ്. ദിനം പ്രതി പഴയ ഇലക്ട്രോണിക് ഉപകരണങ്ങള്‍ മാറ്റി കൂടുതല്‍ കാര്യക്ഷമമായ പുതിയ ഉപകരണള്‍ മാര്‍ക്കറ്റിലെത്തും. വര്‍ഷങ്ങള്‍ പഴക്കമുള്ള ഇലക്ട്രോണിക് ഉപകരണങ്ങള്‍ തകരാറിലാകുമ്പോള്‍ ഉപേക്ഷിക്കുന്നു. ഇപ്രകാരം ഇ വെയ്സ്റ്റ് ലോകത്ത് കുന്നുകൂടുകയാണ്.

പ്ലാസ്റ്റിക് പോലെത്തന്നെ ഇ വെയ്സ്റ്റും സംസ്‌കരിക്കാനൊ നിര്‍മാര്‍ജ്ജനം ചെയ്യാനൊ കാര്യമായ പ്രവര്‍ത്തനങ്ങള്‍ ഇന്ന് ലോകത്തില്ല. എന്നാല്‍ കെട്ടിട നിര്‍മാണ മേഖലയില്‍ ഇ വെയ്സ്റ്റ് ഫലപ്രദമായി ഉപയോഗിക്കാമെന്നാണ് കൊടകര സഹൃദയ കോളേജിലെ സിവില്‍ വിദ്യാര്‍ത്ഥികള്‍ കണ്ടെത്തിയിരിക്കുന്നത്. വിവിധ വ്യവസായ സ്ഥാപനങ്ങളില്‍ നിന്ന് ശേഖരിച്ച ഇ വെയ്സ്റ്റ് ആദ്യം തരം തിരിച്ചു. തുടര്‍ന്ന് പരിസ്ഥിതിക്കും ജന്തു ജീവജാലങ്ങള്‍ക്കും ഹാനികരമായ വസ്തുക്കള്‍ നീക്കം ചെയ്യുന്നു. ബാക്കി വരുന്ന ഇലക്ട്രോണിക് സാധനങ്ങള്‍ പൊടിച്ച് മെറ്റലിനോടൊപ്പം കോണ്‍ക്രീറ്റിംഗിന് ഉപയോഗിക്കുന്നു. ഇ വെയ്സ്റ്റിലെ ചില്ല് പദാര്‍ത്ഥങ്ങള്‍ പൊടിച്ച് വൈറ്റ് സിമന്റുമായി ചേര്‍ത്ത് ഡെക്കറേറ്റീവ് ടൈലുകളും നിര്‍മിക്കാനുമാകും. റോഡ് നിര്‍മാണ മേഖലയിലെ വിവിധ ഘട്ടങ്ങളിലും ഇ വെയ്സ്റ്റ് ഉപയോഗിക്കാനാകും. ഈ പ്രൊജക്ടിന് കേരള സര്‍ക്കാരിന്റെ ഗ്രാന്റും സൃഷ്ടി പ്രൊജക്ട് മത്സരത്തില്‍ സമ്മാനവും ലഭിച്ചു.

സഹൃദ എഞ്ചിനീയറിംഗ് കോളേജിലെ അവസാന വര്‍ഷ സിവില്‍ വിഭാഗം വിദ്യാര്‍ഥികളായ അജ്ഞിത അശോകന്‍, കെ.ആതിര, ഡില്‍ന ജോര്‍ജ്, ഡോറിസ് ആര്‍ പീറ്റര്‍, കെ.എസ്. കാവ്യ എന്നിവരാണ് ഈ പ്രൊജക്ട് തയ്യാറാക്കിയത്. സിവില്‍ വിഭാഗം മേധാവി പ്രൊഫ. സി.പി. സണ്ണി, പ്രൊഫ. എം.എസ്. ഐശ്വര്യ എന്നിവരുടെ മേല്‍നോട്ടത്തിലാണ് വിദ്യാര്‍ഥികള്‍ പ്രൊജക്ട് തയ്യാറാക്കിയത്.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>